Manqabate Imaame Hasan A.s

Manqabate Imaame Hasan A.s (Sardaar Saleem Sahab)

Ali Ke Khalfe Akbar Ka Tafazzul
Taqaddus Ke Taraffu' Ka Tasalsul.

Hasan Waale Ho Tum Poocha Kisi Ne
To Khush Hokar Kaha Maine Ke Bilkul.

Masaaib Unke Jaise Kisne Jhele
Hasan Ka Ho Kisi Se Kya Taqabul.

Sada Ye Zehr Ke Pyaale Se Aayi
Hasan Hain Paikare Sabr -O- Tahammul.

Janaze Par Hui Teeron Ki Barish
Nahi Barse Lahad Par Barg Aur Gul.

Hasan Ho Ya Hussain Ek Jaan Do Tan
Shaheedane Wafa Me Kya Tafasul.

Jamaal Arzi -O- Charkhi Se Bhi Badhkar
Nabi Ke Do Nawason Ka Tajammul.

Milaata Hai Jo Bande Ko Khuda Se
Hai Nisbath Aale Zahra Ki Wahi Pul.

Hasan Ko Yaad Jo Karta Nahi Hai
Khudaya Khatm Ho Uska Taghaful.

Hasan Ki Madha Se Akmal Hua Hai
Saleem Ab Aapka Husne Takhayyul.

Manqabate Imaame Hasan A.s (Sardaar Saleem Sahab)