m'iNm'iN

Mere Jeene Ko Madine Ki Faza Hona Hai
Mere Maalik Mujhe Wo Aabe Baqa Hona Hai.

Kuch Bhi Fatwa Sahi Aye Zahide Nabina Tera
Hamko Khaake Dare Mehboobe Khuda Hona Hai.

Surma -E- Noore Basar Apna Banaane Ke Liye
Apne Sarkar Ki Khaake Kafe Paa Hona Hai.

Aankhein Kholi Hain Muhabbath Me Tumhari Aaqa
Kisko Sarkar Ke Qadmon Se Juda Hona Hai.

Wo Qadam Zehmate Jalwa Sahi Aye Husne Qadam
Aapke Chaahne Waalon Ka Bhala Hona Hai.

Isse Badhkar Nahi Kuch Aarzue Dil Wallah
Dafn Ko Mere Madine Me Jagah Hona Hai.

Dang Hojayenge Sab Aisa Udoonga Aarif
Mujhko Sarkar Ke Koonche Ki Hawa Hona Hai.

Mere Jeene Ko Madine Ki Faza Hona Hai(Hz Pasha Miyan Rh)