Aqwaal -E- Maulaye Kayenath

Zindagi Ki Har Mod Par Sulah Karna Seekho, Kyun Ke Jhukta Wohi Hai Jisme Jaan Hoti Hai, Akadna To Murde Ki Pehchan Hoti Hai.

Na Mukammal Ilm Fasaad Paida Karta Hai.

Hazrath Ali Raziallahu Taala Anhu Se Kisi Ne Poocha...

Agar Koi Apna Hame Bhooljaye To Kya Karen?
Jawab
Koi Apna Ho To Wo Kabhi Nahi Bhoolta, Aur Jo Bhooljaye Wo Apna Nahi Hota.

Kisi Ke Khuloos Aur Pyaar Ko Uski Bewakoofi Mat Samjho, Warna Kisi Din Tum Khuloos Aur Pyaar Talaash Karoge Aur Log Tumhe Bewakoof Samjheinge.

Jo Bohot Accha Lage Usse Bohot Kam Mila Karo
Jo Inteha Se Zyada Accha Lage Use Sirf Dekha Karo
Aur Jo Dil Me Samajaye Use Sirf Yaad Kiya Karo
Kyun Ke Jo Aapke Jitna Qareeb Hota Hai Duniya Use Utna Hi Door Kardeti Hai.

Jahan Aapki Izzat Na Ho Wahan Mat Jaao
Chahe Wahan Khaana Aapko Sone Ki Plate Aur Chaandi Ke Chammach Me Hi Kyun Na Diya Jaaye.

Agar Tum Uss Waqt Muskurate Ho Jab Tum Poori Tarah Toot Chuke Ho, To Yaqeen Jaano Duniya Me Tumhe Kabhi Koi Nahi Tod Sakta.

Logon Ke Aibon Se Iss Tarah Ghafil Hojao Jaise Sote Waqt Tum Duniya Se Ghafil Hojate Ho.

Zindagi Ke Teen Usool Hamesha Yaad Rakho,
Usse Zaroor Maafi Maango Jise Tum Chahte Ho
Use Mat Choro Jo Tumhe Chahta Hai
Usse Kuch Na Chupao Jo Tumpe Aitbaar Karta Hai.

Tumhara Bad'tareen Dost Wo Hai Jo Tumhe Ghalat Baat Par Raazi Kare.

Mardaangi Ki Behtareen Satah Ye Hai Ke Mard Ki Wajah Se Aurat Ki Aankh Me Aansu Na Aaye.

Kisi Cheez Se Bilkul Na Ummeed Hojana Uski Talab Me Zillat Uthane Se Kahi Behtar Hai.

Beshak Duniya Aur Aaqirat Ki Misaal Aisi Hai
Jaise Ek Shaks Ki Do Biwiyan Ho, Ek Ko Raazi Karta Hai To Doosri Rooth Jaati Hai.

Muhabbat Door Ke Logon Ko Qareeb, Adawat Qareebno
Apne Dost Ke Dushman Se Dosti Mat Karo, Aisa Karne Se Tum Apne Dost Ke Dushman Banjaoge.

Bure Insaan Ki Sohbat Se Parhez Karo, Kyun Ke Wo Talwaar Ki Tarah Hai, Dekhne Me Khoobsurat Aur Asr Me Khatarnaak Hai.

Kam Khaana Kam Sona Kam Bolna Allah Ke Doston Ki Nishaani Hai, Zyada Khaana Zyada Sona Aur Zyada Bolna Shaitan Ke Doston Ki Nishaani Hai.

Jo Shaks Tumpe Ghussa Kare Magar Phir Bhi Talluq Khatam Na Kare Wo Bure Waqt Me Tumhara Saccha Saathi Hai.

Dost Ko Daulat Ki Nigah Se Mat Dekho, Wafa Karne Waale Dost Aksar Ghareeb Hote Hain.

Jo Tumhe Khushi Me Yaad Aaye Samjho Tum Usse Muhabbat Karte Ho, Aur Jo Tumhe Gham Me Yaad Aaye To Samjho Wo Tumse Muhabbat Karta Hai.

Hazrath Ali Raziallahu Taala Anhu Se Kisi Ne Poocha.

Insaan Bura Kab Banta Hai?
Jawab
Jab Wo Apne Aapko Doosron Se Accha Samajhne Lage.

Jiss Insaan Ki Jaan Nikaljaye To Wo Zinda Nahi Rehta, Aur Jiss Insaan Se Ehsaas Nikaljaye To Phir Wo Insaan Hi Nahi Rehta.

Apna Sar Uncha Rakho Ke Tum Kisi Se Nahi Darte, Lekin Apni Nigahen Neeche Rakho Taaki Pata Chale Tum Ek Ba Izzat Gharane Se Talluq Rakhte Hi.

Hamesha Choti Choti Khushiyon Ka Isteqbaal Kiya Karo, Kyunki Inhi Ke Peeche Muhabbaton Ka Sailaab Hota Hai.

Kabhi Tum Doosron Ke Liye Dil Se Dua Maang Kar Dekho, Tumhe Apne Liye Dua Maangne Ki Zarurat Nahi Padhegi.

Kisi Bekusoor Par Buhtaan Lagana Ye Aasmanon Se Bhi Bhaari Hai.

Ke Logon Ko Door Kardeti Hai.

Rishton Ki Khoobsurti Ek Doosre Ki Baat Bardaasht Karne Me Hai, Be Aib Insaan Talash Karoge To Akele Rehjaoge.

Aisi Ghurbat Par Sabar Karna Jisme Izzath Mehfooz Ho, Uss Ameeri Se Behtar Hai Jisme Zillath Aur Ruswaai Ho.

Insaan Ke Kirdaar Ki Do Manzilen Hain, Dil Me Utar Jaana, Ya Dil Se Utar Jaana.

Jo Tumhara Ghussa Bardasht Kare Aur Sabit Khadam Rahe To Wo Tumhara Saccha Dost Hai.

Jo Shaqs Maut Ko Yaad Rakhta Hai Wo Thodi Si Duniya Par Bhi Khush Hojata Hai.

Hamesha Sach Bolo Taake Tumhe Qasam Khaane Ki Zarurath Na Pade.

Duniya Me Behtareen Insaan Wo Hai Jiske Liye Koi Roye Aur Bad'tareen Insaan Wo Hai Jiski Wajah Se Koi Roye.

Har Kisi Ko Utni Ehmiyath Do Jitni Wo Tumhe Deta Hai, Agar Kam Doge To Maghroor Kehlaoge Aur Agar Zyada Doge To Khud Girjaoge.

Kisi Insaan Ki Khoobi Ko Pehchano Aur Usse Bayaan Karo Lekin Agar Kisi Ki Khaami Miljaye To Yahan Tumhari Khoobi Ka Imtehaan Hai.

Jo Chughalkhor Ki Baat Par Etemaad Karta Hai Wo Apne Dost Ko Apne Haathon Se Kho Deta Hai.

Insaan Ki Asal Uski Aqal Hai Aur Uski Aqal Uska Deen Hai.

Har Insaan Ki Kheemat Uski Aqal Ke Mutabiq Hoti Hai.

Agar Jahil Khamosh Rehte To Logon Me Eqtelaaf Na Hota.

Uss Shaqs Me Hargiz Dilchaspi Na Lo Jo Tumse Doori Iqtiyaar Karta Ho.

Insaan Ki Do Fazeelatein Hai Aqal Aur Zubaan, Aqal Se Faida Hasil Karna Aur Zubaan Se Faida Pohonchana Hai.

Jahil Ke Saamne Aqal Ki Baat Mat Karo Pehle Wo Behes Karega Phir Apni Haar Dekhkar Dushman Hojayega.

Jo Shaqs Choti Museebaton Par Sabar Nahi Karta, Allah Taala Use Badi Aazmaishon Me Mubtela Kardeta Hai.

Apni Zaat Ko Samandar Ki Tarah Banao, Jo Apne Andar Bohot Kuch Lene Ke Bawajood Upar Se Pur Sukoon Hota Hai.

Agar Tum Chahte Ho Ke Tumhari Koi Dua Rad Na Jaaye, To Apne Din Ka Aaghaz Sadqa Dene Se Shuru Kiya Karo.

Insaan Ko Uski Buraiyon Samet Khubool Karne Waala Hi Uska Saccha Dost Hota Hai, Warna Khoobiyan Dushman Ko Bhi Mutassir Karti Hain.

Insaan Ko Acchi Sonch Par Wo Inaam Milta Hai Jo Usse Acche Amaal Pe Bhi Nahi Milta, Kyun Ke Sonch Me Dikhawa Nahi Hota.

Waqt Aajaye To Kisi Ka Ehsaan Mat Lo, Kyun Ke Mushkil Waqt Chaar Din Ka Aur Ehsaan Zindagi Bhar Ka Hota Hai.

Dost Ke Saath Uss Namak Ki Tarah Raho, Jo Khaane Me Dikhai Nahi Deta Lekin Agar Na Ho To Uski Kami Bohot Mehsoos Hoti Hai.

Ilm Tumhe Raah Dikhata Hai Aur Amal Tumhe Maqsad Tak Pohoncha Deta Hai.

Mai Jannat Ke Shauq Se Ibadat Nahi Karta Ke Ye Tijaarat Hai Aur Na Hi Jahannam Ka Khauf Karta Hoon Ke Ye Ghulami Hai, Mai Sirf Aur Sirf Isliye Ibadath Karta Hoon Ke Mera Rab Ibadath Ke Layaq Hai.

Aise Shaqs Ko Kabhi Mat Gawana, Jiske Dil Me Tumhare Liye Muhabbat, Fikr, Izzat Aur Chahat Ho.

Mushkilaat Hamesha Behtareen Logon Ke Hisse Me Aati Hain, Kyun Ke Wo Isko Behtareen Tareeqe Se Anjaam Dene Ki Salaahiyath Rakhte Hain.

Do Aamaal Aise Hain Jiska Sawab Kabhi Tola Nahi Jasakta, Muaf Karna Aur Insaaf Karna.

Acche Logon Ka Tumhari Zindagi Me Aana Tumhari Qismat Hoti Hai Aur Unhe Sambhaal Kar Rakhna Tumhara Hunar.

Apne Din Ka Aaghaz Sadqa Dene Se Shuru Kiya Karo, Uss Din Tumhari Koi Dua Rad Nahi Ki Jayegi.

Saari Duniya Ke Saare Log Tujhe Apne Faaide Ke Liye Chahte Hain, Sirf Tera Rab Hi Hai Jo Tujhe Tere Faaide Ke LiyMushkile Chahta Hai.

Kabhi Apne Dost Ki Sacchai Ka Imtehaan Na Lo
Kya Pata Uss Waqt Wo Majboor Ho Aur Tum Ghalat Fehmi Me Ek Accha Dost Kho Baitho.

Jhooth Bolkar Jeetne Se Behtar Hai Ke Sach Bolkar Haar Jaao.

Kisi Insaan Ki Muhabbat Paana Chahte Ho To Usko Batado, Kyun Ke Zindagi Mauqa Kam Aur Dhoka Zyada Deti Hai.

Jiss Shaqs Ke Dushman Na Ho Aur Sab Dost Hon Uss Jaisa Munafiq Koi Nahi, Kyunke Dushman Uske Hote Hain Jo Haq Ki Baat Kehta Hai.

Insaan Ki Tamaam Pareshaniyan Do Baaton Ki Wajah Se Hain
Taqdeer Se Zyada Chahta Hai
Aur Waqt Se Pehle Chahta Hai.

Un Logon Par Aitbaar Karo Jo Tumhari Teen Baatein Bhaamp Saken
Tumhari Hasi Me Posheeda Dard
Tumhare Ghusse Me Posheeda Pyaar
Tumhare Khamoshi Me Posheeda Wajah.

Ye Zindagi Do Din Ki Hai Ek Din Tumhare Haq Me Aur Doosre Din Tumhare Muqalif, Jis Din Tumhare Haq Me Ho Uss Din Ghuroor Mat Karna Aur Jiss Din Tumhare Muqalif Ho Uss Din Sabar Karna.

Ek Zamana Aisa Bhi Aayega Ke Log Apne Rab Ko Bhooljayege, Libaas Bohot Hi Kheemti Pehen Kar Bazaar Me Akad Akad Kar Chaleinge, Aur Usi Baat Se Be Khabar Honge Ke Usi Bazaar Me Unka Kafan Bhi Maujood Hai.

Gheebat Karna Kamzor Aadmi Ki Aaqri Koshish Hoti Hai.

Daulat Rutba Aur Iqtiyaar Milne Se Insaan Badalta Nahi Uska Asli Chehra Saamne Aajata Hai.

Sabr Ek Aisi Sawari Hai Jo Apne Sawaar Ko Girne Nahi Deti Hai, Na Kisi Ke Qadmon Me Aur Na Kisi Ke Nazron Se.

Apne Dost Ki Izzath Karo Isliye Nahi Ke Wo Tumhare Aib Jaanta Hai Isliye Ke Wo Tumhare Aibon Se Waqif Hone Ke Bawajood Tumko Dost Maanta Hai.

Rishton Ko Mazboot Rakhne Ke Do Raaz
Jab Aap Ghalat Hon To Apni Ghalti Tasleem Karen
Aur Jab Aap Sahi Hon To Khamoshi Iqtiyaar Karen.

Gunahon Ka Tark Karna Tauba Karne Se Zyada Behtar Hai.

Kisi Kamzor Ke Khilaaf Kisi Taqatwar Ki Madad Na Karo.

Hansi Mazaaq Dushmani Ki Ibteda Hai.

Khamoshi Aalam Ki Pehchan Aur Jahil Ki Parda Poshi Hai.

Insaan Ka Apne Dushman Se Inteqaam Ka Sab Se Accha Tareeqa Ye Hai Ke Wo Apni Khoobiyon Me Izaafa Kare.

Nek Banne Ke Liye Aise Koshish Karo Jaise Haseen Banne Ke Liye Karte Ho.

Tum Jo Gaali Dete Ho Us Se Tumhare Qabr Me Ek Bicchoo Banjaata Hai.

Kamiyabi Hauslon Se Milti Hai, Hausle Doston Se Milte Hain, Dost Muqaddar Se Milte Hain Aur Muqaddar Insaan Khud Banata Hai.

Jise Taqdeer Par Bharosa Hota Hai Wo Aane Waali Musibaton Se Nahi Ghabrata.

Agar Duniya Behtareen Jagah Hoti To Yahan Koi Bhi Rote Hue Paida Na Hota.

Jo Shaqs Maut Ka Muntazir Hai Wo Tezi Se Nekiyon Ki Taraf Daudta Hai.

Cheezen Jab Kam Hoti Hain To Kheemti Hojati Hain Lekin Ilm Jab Zyada Hojata Hai To Layaq Izzath Hota Hai.

Agar Tumhari Aankhein Khoobsurath Hain To Tum Duniya Se Muhabbat Karoge.

Adab Behtareen Kamaal Hai Aur Khairaat Afzal Tareen Ibadath Hai.

Pareshaniyan Halaath Se Nahi Khayalaat Se Paida Hoti Hain.

Nafrath Dil Ka Pagalpan Hai.

Insaan Zindagi Se Mayoos Ho To Kamiyabi Bhi Na Kaami Nazar Aati Hai.

Aqlaaq Ek Dukaan Hai Aur Zubaan Uska Taala, Taala Khulta Hai To Maloom Hota Hai Ke Dukaan Sone Ki Hai Ya Koiyle Ki.

Hathiyaron Se Jang To Jeeti Jasakti Hai Magar Dil Nahi, Kyun Ke Dil Sirf Kirdaar Ke Saath Jeete Jasakte Hain.

Surath Aur Seerath Me Sab Se Bada Farq Ye Hai Ke Surath Dhoka Deti Hai Jabke Seerath Pehchan Karati Hai.

Duniya Me Hazaar Rishte Banao Lekin Ek Rishta Aisa Zaroor Banao Ke Jab Hazaaron Aapke Khilaf Hon To Wo Ek Aapke Saath Ho.

Mujhe Uss Shaqs Pe Ta'ajjub Hota Hai Jo Roz Dekhta Hai Ke Uski Saansein Aur Umar Kam Horahi Hai Lekin Wo Maut Ke Liye Taiyyari Nahi Karta.

Agar Tumse Koi Pooche Batao Zindagi Kya Hai?
To Tum Hatheli Par Zara Si Khaak Rakhna Aur Use Udhadena.

Jab Koi Dost Tumhe Apna Raaz Bataye To Ye Samajhlena Ke Wo Apni Izzath Tumhe Amaanat De Raha Hai Usme Kabhi Bhi Qayanat Mat Karna.

Kisi Ka Aib Talash Karne Waale Ki Misaal Uss Makhkhi Jaisi Hai Jo Saara Khubsurath Jism Chor Kar Sirf Zakhm Pe Baithti Hai.

Jo Apni Zaruratein Badhaleta Hai Use Aksar Mehroomi Ka Gham Rehta Hai.

Nafs Ko Kisi Acche Kaamon Me Mashghool Rakho Warna Nafs Aise Kaamon Me Laga Dega Jo Naa Karne Ke Qabil Honge.

Jab Aqal Badhti Hai To Baatein Kam Hojati Hai.

Zubaan Ek Aisa Darinda Hai Ke Agar Isse Khula Chordiya Jaaye To Phaad Khaaye.

Jo Shaqs Sajdon Me Rota Hai Usse Taqdeer Par Rona Nahi Padhta.

Teen Cheezen Imaan Ko Tabah Kardeti Hain
Ameeron Ki Mehfil
Aurton Ki Sohbath
Jahilon Se Behes
Apnon Ko Apne Hone Ka Ehsaas Dilao Warna Waqt Aapke Apnon Ko Aapke Baghair Jeena Sikhadega.

Sacche Dost Khushiyon Me Zeenat Aur Pareshaniyon Me Sahara Hote Hain.

Muhabbat Sab Se Karo Lekin Uss Se Aur Bhi Zyada Karo Jiske Dil Me Tumhare Liye Tumse Bhi Zyada Muhabbat Ho.

Agar Koi Tumse Naraaz Hai Aur Use Iss Baat Ka Ghuroor Hai Ke Tum Usse Manaloge To Uske Ghuroor Ko Kabhi Bhi Tootne Mat Dena.

Jiss Se Had Se Zyada Muhabbat Ho Uss Se Utni Hi Nafrath Hosakti Hai Kyun Ke Khoobsurat Sheesha Jab Toot'ta Hai To Khatarnaak Hathiyaar Banjata Hai.

Kamzor Hai Wo Shaqs Jo Kisi Ko Dost Na Bana Sake, Aur Usse Bhi Kamzor Wo Shaqs Hai Jo Bana Hua Dost Kho De.

Jisko Tumse Muhabbat Hogi Wo Tumko Fuzool Aur Najaiz Kaamon Se Rokega.

Agar Koi Tumse Bhalai Ki Umeed Rakhe To Use Mayoos Mat Karo, Kyun Ke Logon Ki Zarurath Ka Tumse Wabasta Hona Tum Par Allah Ka Khaas Karam Hai.

Duniya Ka Sab Se Khubsurath Paudha Muhabbat Ka Hai, Jo Zameen Me Nahi Balke Logon Ke Dilon Me Ughta Hai.

Kisi Par Bharosa Karna Hai To Mukammal Karo, Yaa To Tumhe Ek Accha Dost Milega, Nahi To Ek Sabaq.

Zindagi Me Hamesha Apne Chahne Waalon Ko Apni Kami Mehsoos Karwao, Magar Ye Doori Itni Lambi Na Karo Ke Koi Aapke Baghair Jeena Hi Seekhle.

Jisne Tujhe Tere Aib Bataye, Agar Tujhe Aqal Ho To Beshak Usne Tujhpar Ehsaan Ki Inteha Kardi.

Agar Koi Tumhara Dil Dukhaye To Naraaz Mat Hona, Kyun Ke Khudrat Ka Qanoon Hai Jiss Daraqt Ka Phal Zyada Meetha Hota Hai Log Patthar Bhi Usi Ko Maarte Hain.

Jo Tumhari Khamoshi Se Tumhari Takleef Ka Andaza Na Karsake, Uske Saamne Zubaan Se Izhaar Karna Sirf Lafzon Ko Zaaya Karna Hai.

Un Logon Ko Khone Se Daro Jinke Nazdeek Dosti Ke Rishte Khoon Ke Rishton Se Zyada Azeez Hon.

Dil Me Buraai Rakhne Se Behtar Hai Narazgi Zaahir Kardo.

Zuban Ka Wazn Bohot Hi Halka Hota Hai, Magar Bohot Hi Kam Log Isse Sambhaal Paate Hain.

Hamesha Uss Insaan Ki Bohot Izzat Karo Jo Aapko Napasand Ho, Kyun Ke Hosakta Hai Ke Aapke Izzat Karne Se Uska Kirdaar Badal Jaaye.

Allah Taala Ko Jab Kisi Bande Ki Islaah Matloob Hoti Hai To Usse Kam Bolne Kam Khaane Aur Kam Sone Ka Ilhaam Farmate Hain.

Hamesha Samjhota Karna Seekho Kyun Ke Thoda Sa Jhuk Jaana Kisi Rishte Ko Hamesha Ke Liye Tod Dene Se Behtar Hai.

Khwahishen Badshahon Ko Bhi Ghulam Bana Deti Hain, Magar Sabar Ghulamon Ko Bhi Badshah Bana Deta Hai.

Gunah Ka Nadamat Gunah Ko Mita Deti Hai Aur Neki Par Ghuroor Neki Ko Tabaah Kardeta Hai.

Insaan Dukh Nahi Dete, Balke Insaan Se Wabasta Umeedein Dukh Deti Hain.

Teen Cheezein Milne Se Log Badalte Nahi Balke Be Naqaab Hojate Hain, Taaqat, Daulat Aur Iqtiyaar.

Jo Zulm Ke Zariye Izzat Chahta Hai Allah Taala Usse Insaaf Ke Zariye Zaleel Karta Hai.

Ghareeb Wo Hai Jiska Koi Dost Nahi.

Allah Taala Se Maangna Shuja'at Hai Agar De To Rehmath Aur Na De To Hikmath, Maqlooq Se Maangna Zillat Hai, Agar De To Ehsaan Aur Na De To Sharmindagi.

Tum Jannat Na Maango Balke Tum Duniya Me Aise Kaam Karo Ke Jannat Tumko Maange.

Insan Ki Zehniyath Bhi Ajeeb Hai, Beemari Ke Khauf Se Khaana To Chor Sakta Hai Lekin Dozaq Ke Khauf Se Gunaah Nahi.

Jab Tumhe Yaqeen Hojaye Ke Allah Taala Hamesha Tumhare Saath Hai To Phir Koi Farq Nahi Padhta Ke Kaun Kaun Tumhare Khilaaf Hai.

Zindagi Iss Tarha Basar Karo Ke Dekhne Waale Tumhare Dard Par Afsos Ke Bajaye Tumhare Sabar Par Rashk Kare.

Sach Ek Aisi Dua Hai Jiski Lazzat Kadwi Magar Taseer Meethi Hoti Hai.

Ahmaq Insaan Apne Sheher Me Pardesi Hota Hai Aur Apne Azeezon Ke Darmiyan Bhi Zaleel Hota Hai.

Na Umeed Shaqs Har Accha Mauqa Bhi Gawa Deta Hai, Aur Pur Umeed Har Pareshani Me Bhi Mauqa Talaash Karleta Hai.

Uss Shaqs Ko Dost Mat Banao Jo Kisi Mehfil Me Aapko Sharminda Kare, Chahe Wo Mazaq Me Hi Kyun Na Ho.

Muafi Jiss Qadar Shareef Ki Islaah Karti Hai Utna Hi Kamine Ko Bigaad Deti Hai.

Taqat Ke Hote Hue Bhi Kisi Ko Muaf Kardena Azaabe Ilaahi Se Bachne Ka Behtareen Tareeqa Hai.

Jo Shaqs Hamesha Tumhari Khushi Chahe Uska Udaas Hona Bhi Tumhare Liye Fikr Ki Baat Hai.

Din Me Rizq Talaash Karo Aur Raat Me Usse Talaash Karo Jo Tumhe Rizq Deta Hai.

Kisi Ka Zarf Dekha Ho To Usse Izzat Do, Fitrat Dekhni Ho To Use Azaadi Do, Naiyyat Dekhni Ho To Usse Qarz Do, Qaslath Dekhni Ho To Uske Saath Khaana Khao, Sabr Dekhna Ho To Uspar Tanqeed Karke Dekho Aur Quloos Dekhna Ho To Usse Mashwara Karlo.

Sabse Pehli Ibadath Ye Hai Ke Insan Musibat Me Sabar Karke Allah Paak Se Madad Ka Muntazir Rahe.

Jab Tumpar Bura Waqt Aaye To Ye Mat Dekhna Ke Kaun Tumhare Kaam Aaya Balke Ye Dekhna Ke Kaun Tumhe Chor Kar Chalegaya.

Kisi Jahil Ke Saath Taqt Par Baithne Se Accha Hai Ke Kisi Aalim Ke Saath Farsh Par Baitha Jaaye.

Posheeda Taur Par Sadqa Karna Bohot Badi Neki Hai.

Acche Waqt Se Zyada Accha Dost Azeez Rakho Kyun Ke Ek Accha Dost Bure Waqt Ko Bhi Accha Bana Deta Hai.

Apni Sonch Ko Paani Ke Qatron Se Bhi Zyada. Shafaaf Rakho Kyun Ke Jiss Tarah Qatron Se Dariya Banta Hai Ussi Tarha Soncho Se Imaan Banta Hai.

Ek Accha Insan Doosron Ko Muaf Kardeta Hai Aur Bhooljata Hai.

Sabse Behtareen Aamal Wo Hain Jinka Maqsad Allah Paak Ki Khushnoodi Hasil Karna Hai.

Dosti Aur Muhabbat Unse Karo Jo Nibhana Jaante Ho, Nafrath Unse Karo Jo Bhoolana Jaante Ho, Aur Ghussa Unse Karo Jo Manana Jaante Ho.

Dosti Ka Bharam Sirf Wo Log Rakhsakte Hain Jinke Wajood Me Samandar Jitna Dil Ho.

Koi Tumse Rooth Jaaye Aur Phir Wohi Tumse Milne Ko Tarse, To Use Kabhi Mat Khona, Kyun Ke Wo Tumse Bohot Zyada Pyaar Karta Hai.

Hazrath Ali Raziallahu Taala Anhu Se Poocha Gaya Ke Kaise Pata Chalega Ke Kaun Kitna Kheemti Hai?
Jawab
Jis Insaan Me Jitna Zyada Ehsaas Hoga Wo Utna Hi Zyada Kheemti Hoga.

Agar Koi Aapki Fikar Karta Hai To Uski Qadr Karo, Kyun Ke Duniya Me Tamashai Zyada Aur Fikar Karne Waale Bohot Kam Hote Hain.

Kisi Ka Dil Tod Kar Muafi Mangna To Bohot Aasan Hai, Lekin Apna Dil Tootjaye To Kisi Ko Muaf Karna Bohot Mushkil Hai.

Log Ye Nahi Jaante Ke Qayamat Waale Din Unke Saath Kya Hoga, Lekin Ye Zaroor Jaante Hain Ke Doosron Ke Saath Kya Hoga.

Jhaankne Ki Sahi Jagah Apna Gireban Aur Rehne Ki Sahi Jagah Apni Auqaat Hai.

Dost Ki Ghalti Reth Par Likho Taake Paani Use Mitade Aur Dost Ke Ehsaas Patthar Par Likho Taake Koi Use Mita Na Sake.

Hamesha Aise Shaqs Ko Chuno Jo Aapko Izzath De, Kyun Ke Izzath Muhabbath Se Kahin Zyada Khaas Hoti Hai.

Agar Kisi Dost Ki Yaaddasht Iqtiyaar Kare Aur Tum Kabhi Use Bhula Na Paao, To Ye Tera Kamaal Nahi, Kamaal Uska Hai, Kyun Ke Uski Dosti Aur Quloos Me Koi Milawat Nahi.

Hazrath Ali Raziallahu Taala Anhu Ne Farmaya Che(6) Cheezon Ki Kabhi Shikayath Mat Karna...

Apni Qismat Ki.

Aulaad Ke Saamne Apne Badon Ki.

Apna Zaati Makaan Hote Hue Uski Tangi Ki.

Bhool Kar Bhi Apne Maa Baap Aur Apne Ustaad Ki.

Ghair Ke Saamne Apne Dost Ki.

Ruqsath Karne Ke Baad Apne Mehmaan Ki.

Agar Muhabbat Unse Na Mile Jinse Aap Pyaar Karte Ho, To Muhabbat Usko Zaroor Dena Jo Aapse Pyaar Karta Hai.

Khamoshi Ek Aisi Ibadath Hai, Farishta Ise Likh Nahi Sakta, Shaitan Ise Bigad Nahi Sakta Aur Uss Rab Ke Siwa Koi Ise Jaan Nahi Sakta.

Zindagi Ke Har Mod Par Jahan Imtehan Hote Hain Wahin Allah Ki Madad Bhi Moujood Hoti Hai.

Zindagi Me Ek Aisa Insan Hona Bohot Zaruri Hai, Jisko Dil Ka Haal Sunane Ke Liye Lafzon Ki Zarurath Na Pade.

Kayenath Ki Sab Se Mehengi Cheez Ehsaas Hai Jo Duniya Ke Har Insan Me Nahi Hoti.

Jab Log Tumhe Takleef Me Akela Chordein, Jaan Lo Ke Allah Taala Tumhare Kaam Ka Zimma Khud Lena Chahta Hai.

Sab Se Bada Gunah Wo Hai Jo Karne Waale Ki Nazar Me Chota Hai.

Ghalat Baat Par Ghussa Aajana Sharafat Ki Nishani Hai, Lekin Uss Ghusse Ko Peejana Momin Ki Nishani Hai.

Jo Cheez Apne Liye Pasand Karo Wo Doosron Ke Liye Bhi Pasand Karo
Har Baat Me Haan Me Haan Milana Munafiqon Ki Aadat Hai.

Daulat Mitti Ki Tarah Hai Aur Mitti Ko Paair Ke Neeche Rakhna Chahiye, Agar Sar Par Chadhaoge To Qabar Banjayegi, Aur Qabar Zinda Logon Ke Liye Nahi Hoti.

Khushi Insaan Ko Itna Nahi Sikhati Hai Jitna Gham Sikhate Hain.

Tabiyath Ki Narmi Aur Sakhawat Insaan Ko Dushman Ke Dilon Me Bhi Mehboob Bana Deti Hai.

Namaz Ki Fikar Apne Upar Farz Karlo, Khuda Ki Qasam Duniya Ki Fikar Se Aazad Hojaoge Aur Kamiyabi Tumhare Qadm Choomegi.

Jo Chahta Hai Ke Apne Rab Ko Pehchane Use Chahiye Ke Wo Apne Nafs Ko Pehchane.

Kabhi Apni Jismaani Taqat Aur Daulat Par Bharosa Na Karna Kyun Ke Bimaari Aur Ghurbath Aane Me Der Nahi Lagti.

Zindagi Ki Asal Khubsoorti Ye Nahi Ke Aap Kitne Khush Hain Balke Zindagi Ki Asal Khubsoorti To Ye Hai Ke Doosre Aapse Kitne Khush Hain.

Maal Ya Jaan Ka Chala Jaana Nuqsaan Nahi Insan Ka Sabse Bada Nuqsaan Kisi Ki Nazar Se Girjaana Hai.

Dar Na Kaami Se Mila Hua Hai.

Jab Tumhara Dil Be Wajah Bechain Rehne Lage To Samajh Jaana Tumhara Rab Tumhe Arsh Par Yaad Karraha Hai.

Aqwaal -E- Maulaye Kayenath