Banke Tasweere Gham Rehgaye Hain

Banke Tasweere Gham Rehgaye Hain

Aye Naseer Ek Ham Rehgaye Hain.

Daure Maazi Ki Tasweere Aaqir

Khoye Khoye Se Ham Rehgaye Hain.

Baantli Sab Ne Aapas Me Khushiyan
Mere Hisse Me Gham Rehgaye Hain.

Ye Gali Kiski Hai Allah Allah
Uth'te Uth'te Qadam Rehgaye Hain.

Ab Na Uthna Sarhaane Se Mere
Ab To Ginti Ke Dam Rehgaye Hain.

Qafila Chalke Manzil Pe Pohoncha
Thairo Thairo Me Ham Rehgaye Hain.

Aye Saba Ek Zehmath Zara Phir
Unki Zulfon Me Kham Rehgaye Hain.

Dekhkar Unke Mangton Ki Ghairath
Dang Ahle Karam Rehgaye Hain.

Unki Sattaariyan Kuch Na Poocho
Aasiyon Ke Bharam Rehgaye Hain.

Ek Tum Ek Ham Rehgaye Hain.

Aaj Saaqi Pila Shaikh Ko Bhi
Ek Ye Mohtaram Rehgaye Hain.

Banke Tasweere Gham Rehgaye Hain