Banade Ya Ilaahi Mujhko Deewana

Banade Ya Ilaahi Mujhko Deewana (Hz Izzath Rh)

Kalaam of Izzath

Banade Ya Ilaahi Mujhko Deewana Muhammad Ka
Maze Ulfath Ke Lootun Pee Ke Paimana Muhammad Ka.

Na Usko Fikre Duniya Hai Na Usko Fikre Uqba Hai
Bada Be Fikr Duniya Me Hai Maikhana Muhammad Ka.

Nakeeron Puchte Kya Ho Tumhe Maloom Hi Kya Hai
Mai Deewana Hoon Deewana Hoon Deewana Muhammad Ka.

Khuda Ke Chaahne Waale Raheinge Daaim -O- Qaaim
Rahega Taa Abad Gardish Me Paimana Muhammad Ka.

Junoon Me Joshe Ulfath Me Yehi Kehta Hua Nikla
Muhammad Shamme Mehfil Aur Mai Parwana Muhammad Ka.

Tasawwur Ye Hamara Hai Isi Me Mast Rehte Hain
Ke Qasre Dil Hamara Hai Nabi Khaana Muhammad Ka.

Bohot Hi Muqtasar Lekin Bohot Hi Barkaton Waala
Bohot Hi Shaan Waala Hai Ye Kashana Muhammad Ka.

Mataaye Izzate Aajiz Siwaye Jaan -O- Dil Kya Hai
Muhabbath Se Magar Laaya Ye Nazrana Muhammad Ka.

Banade Ya Ilaahi Mujhko Deewana (Hz Izzath Rh)