Kahin Lafzon Se Mumkin Bhi Hai Midhat

Kahin Lafzon Se Mumkin Bhi Hai Midhat (Hz Layeeq Rh)

Kalaam of Layeeq

Kahin Lafzon Se Mumkin Bhi Hai Midhat Mere Maula Ki
Jamaale Haq Ka Aayina Hai Surath Mere Maula Ki.

Rasoole Hashmi Se Hai Qurabat Mere Maula Ki
Imamat Mere Maula Ki Wilayath Mere Maula Ki.

Uluwwe Martabat Par Aapki Kya Ghaur Karna Hai
Ali Ke Naam Se Zaahir Hai Rifath Mere Maula Ki.

Unhi Ke Dar Se Har Ek Silsile Me Faiz Jaari Hai
Ke Mash'hoore Do Aalam Hai Futuwwat Mere Maula Ki.

Nazar Parwardaye Maula Bhi Maula -E- Zamana Hai
Zara Bas Ho Hi Jaana Hai Inayath Mere Maula Ki.

Bajuz Uss Shai Ke Farmaan Jiska Hai Man Kuntu Maulahu
Khuli Kis Par Khudayi Me Haqiqath Mere Maula Ki.

Layeeq Unse Faqat Ek Rabte Mohkam Ki Zarurath Hai
Bada Be Fikr Kardeti Hai Nisbath Mere Maula Ki
Kuch To Ye Chishtiyath Ka Asar Hai
Kuch Tabiyath Meri Manchali Hai
Raag Mera Hai Man Kunto Maula
Taal Par Raqs -E- Hubbe Ali Hai.

Naaraye Haidari Kya Laga Hai
Kharjiyon Ki Surath Jali Hai
Wajd Me Hai Ali Ka Fidaayi
Najd Me Machgayi Khalbali Hai.

Garche Baade Fataawa Chali Hai
Phir Bhi Honton Pe Naade Ali Hai
Karbala Ke Shaheedon Ke Sadqe
Har Bala Meri Isse Tali Hai.

Uski Marqad Mehekti Rahegi
Uski Surath Chamakti Rahegi
Gulshane Buturaabi Ki Mitti
Apne Chehre Pe Jisne Mali Hai.

Door Hain Jo Ali Ki Ataa Se
Unki Qismat Me Rehna Hai Pyaase
Unko Jaane Do Meri Balaa Se
Mai Bulaun Mujhe Kya Chali Hai.

Hai Jo Haasil Ali Ki Muhabbath
Mere Imaan Ki Hai Ye Alamath
Sab Ki Duniya Se Kya Mujhko Matlab
Meri Duniya To Phooli Phali Hai.

Sab Ke Sab Hain Ali Ke Fidaayi
Meri Fitrath Bhi Alhumdulillah
Unke Saanche Me Jaakar Dhali Hai.

Shaam -E- Hijrath Ne Wo Shaan Dikhayi
Zere Khanjar Bhi Wo Neend Aayi
Yoon Laga Jis Se Bistar Bana Hai
Boriya Hai Magar Maqmali Hai.

Khauf Kya Ho Use Ab Kisi Ka
Kaun Kar Payega Baal Beeka
Ummati Hai Jo Pyaare Nabi Ka
Jis Ke Palle Pe Maula Ali.

Rang Laaya Asar Chashme Nam Ka
Aur Sitaara Muqaddar Ka Chamka
Sag Bana Hoon Mai Baabe Karam Ka
Aur Thikana Ali Ki Gali Hai.

Chashme Hairath Se Mat Dekhiyega
Sadqa Hasnain Ka Deejiyega
Ya Ali Ye Nahi Aur Kisi Ka
Aapka Ahmad -E- Hambali Hai.

Kuch To Ye Chishtiyath Ka Asar Hai (Hz Ahmad Hambali)
Jis Ke Palle Pe Maula Ali Hai.

Maine Zikre Ali Hi To Bas Hai Kiya
Isme Naraaz Hone Ki Kya Baat Hai
Ispe Raazi Hue Hain Rasoole Khuda
Isme Naraaz Hone Ki Kya Baat Hai.

Bughze Haidar Me Tera Jo Manshoor Hai
Iss Wajah Se Tera Chehra Be Noor Hai
Maine Tujhko Dikhaya Hai Bas Aayina
Chaahe Bhai Kahein Chaahe Haidar Kahein
Unki Marzi Hai Be Zar Ko Buzar Kahein
Unko Muqthare Kul Ne Hai Maula Kaha
Mimbare Mustafa Par Bithaya Gaya
Ilm Ka Shehr Unko Banaya Gaya
Bistare Mustafa Par Sulaya Gaya
Baqshdi Hai Khuda Ne Tujhe Bartari.

Wabasta Aaj Bhi Meri Qismat Ali Se Hai.

Mujh Bandae Haqeer Ko Nisbath Ali Se Hai.

Mai Bandae Ali Hoon Muhabbat Ali Se Hai
Badro Hunain Khandaq -O- Khaibar Gawah Hain
Har Daur Me Khuloos Ki Qeemat Ali Se Hai
Waris Ali Ki Zaat Se Mansoob Hoon Rasheed
Allah Aur Rasool Ko Ulfat Ali Se Hai.

Har Daur Me Khuloos Ki Qeemat Ali Se Hai.

Kaazib ki Hai Wo Ke Jisko Adawat Ali Se Hai.

Kaazib Ki Hai Wo Ke Jisko Adawat Ali Se Hai.

Wabasta Aaj Bhi Meri Nisbat Ali Se Hai.

Kaazib Hai Wo Ke Jisko Adawat Ali Se Hai.

EVLU
Mai Panjatani Panjatani Panjatani Hoon