Ham Par Huzoor Yoon Hi Nazar Aapki Rahe

Ham Par Huzoor Yoon Hi Nazar Aapki Rahe

Ham Par Huzoor Yoon Hi Nazar Aapki Rahe
Jaise Bani Hui Hai Hamari Bani Rahe.

Sairaab Ho Na Jaaun Mai Jalwon Se Aapke
Jab Tak Meri Hayaath Rahe Tishnagi Rahe.

Mai To Huzoor Aapke Daman Me Chupgaya
Ab Gardishe Hayaath Mujhe Dhoondti Rahe.

Aaye Hain Jitne Mehfile Milaad Me Huzoor
In Sab Ki Jholi Faizo Karam Se Bhari Rahe.

Baabe Haram Ke Saamne Pohonchun Kuch Iss Tarha
Sharm -O- Haya Ke Baar Se Gardan Jhuki Rahe.

Utre Huzoor Dil Pe Mere Naat Aapki
Har Raat Yoon Hi Ghar Me Mere Chaandni Rahe.

Masroor Ki Dua Hai Sajaye Jo Mehfilein
Unki Lahad Me Aaqa Sada Raushni Rahe.

Ham Par Huzoor Yoon Hi Nazar Aapki Rahe (Masroor Aabedi Sahab)