Chalo Dayaare Nabi Ki Janib

Chalo Dayaare Nabi Ki Janib

Chalo Dayaare Nabi Ki Janib
Durood Lab Par Saja Saja Kar
Baharein Looteinge Ham Karam Ki
Dilon Ko Daman Bana Bana Kar.

Na Unke Jaisa Saqi Hai Koi
Na Unke Jaisa Ghani Hai Koi
Wo Benawaon Ko Har Jagah Se
Nawaazte Hain Bula Bula Kar.

Hai Unko Ummat Se Pyaar Kitna
Karam Hai Rehmath Shi'aar Kitna
Hamare Jurmon Ko Dho Rahe Hain
Huzoor Aansu Baha Baha Kar.

Mai Wo Nikamma Hoon Jiski Jholi
Me Koi Husne Amal Nahi Hai
Magar Wo Ehsan Karrahe Hain
Qatayen Meri Chupa Chupa Kar.

Yehi Asaas -E- Amal Hai Meri
Isi Se Bigdi Bani Hai Meri
Samet'ta Hoon Karam Khuda Ka
Nabi Ki Naatein Suna Suna Kar.

Agar Muqaddar Ne Yaawari Ki
Agar Madine Gaya Mai Khalid
Qadam Qadam Khaak Uss Gali Ki
Mai Choomlunga Utha Utha Kar.

Chalo Dayaare Nabi Ki Janib (NFAK)