Khwaja -E- Gesu Daraaz

Kamil -O- Akmal Wali Hain Khwaja -E- Gesu Daraaz
Marifath Ki Raushni Hai Khwaja -E- Gesu Daraaz.

Naam Hai Sayyad Muhammad Aur Laqab Hai Sadre Deen
Dilbare Maula Ali Hain Khwaja -E- Gesu Daraaz.

Aap Hain Hasni Hussaini Shaahzade Bil Yaqeen
Haidari -O- Faatmi Hain Khwaja -E- Gesu Daraaz.

Saat Sau Ekkees Hijri Me Hue Hain Jalwagar
Yoon Charaghe Dehelvi Hain Khwaja -E- Gesu Daraaz.

Aapki Zulfon Pe Qurban Hai Bahare Jaan Fiza
Go Payame Zindagi Hain Khwaja -E- Gesu Daraaz.

Zuhd -O- Taqwa Saadgi Par Hain Fida Ahle Jahan
Aap Wo Sayyad Sakhi Hain Khwaja -E- Gesu Daraaz.

Sirf Khaaki Hi Nahi Sab Ki Zuban Par Hai Yehi
Behre Ilmo Aagahi Hai Khwaja -E- Gesu Daraaz.

Mori Bhi Rang Do Chunariya (Hz Baba Fareed R.a)