Unhein Kalme Me Bhi Chora Nahi Hai

Unhein Kalme Me Bhi Chora Nahi Hai (Hz Jameel Sharfi R.a)

Kalaam of Jameel Sharfi

Unhein Kalme Me Bhi Chora Nahi Hai
Mere Aaqa Kahin Tanha Nahi Hai.

Abas Hai Bolna Saaya Nahi Hai
Nabi Ke Qad Ka Andaza Nahi Hai.

Ibadat Raat Bhar Dekhe Tamasha
Bicha Bistar Hai Aur Sona Nahi Hai.

Azaanon Ne Udaaney Bhar Ke Dekha
Nabi Se Koi Bhi Uncha Nahi Hai.

Wo Ho Arshe Bareen Par Ya Zameen Par
Duroodon Se Koi Parda Nahi Hai.

Nabi Ki Ungliyon Me Doob Jaaun
Samandar Koi Bhi Aisa Nahi Hai.

Nabi Ke Jaisa Hona Door Thaire
Koi Siddiq Bhi Jaisa Nahi Hai.

Nazar Aajao Ham Bhi Jaan Dedein
Bhala Tum Par Kise Marna Nahi Hai.

Jameel Anwaar Ke Maana Yehi Hai
Diya Raushan Hai Aur Shola Nahi Hai.

Unki Tauqeer Me Qurani Adab (Hz Jameel Sharfi R.a)
Unki Tauqeer Me Qurani Adab Aaya Hai
Yaani Laa Tarfa'u, Laa Taqnatu Sab Aaya Hai.

Koi Samaan Na Samaan Ka Sabab Aaya Hai
Unke Hujre Me Faqat Arsh Ka Dhab Aaya Hai.

Dars Quran Ko Dene Ka Sabab Aaya Hai
Banke Noorani Sanad Ummi Laqab Aaya Hai.

Waqt Barbaadi Ka Aaya Hai To Tab Aaya Hai
Bu Lahab Ke Liye Ye Lafz Bhi Tab Aaya Hai.

Paaun Se Mimbare Aqdas Ke Chala Karti Hai
Tab Kahin Naat Ko Hassan Ka Dhab Aaya Hai.

Raushni Maujza Bante Hue Dandaan Se Uthi
Ayesha Bibi Ki Sooyi Ka Sabab Aaya Hai.

Itr Odhe Hue Aaqa Ke Paseene Ka Bahaao
Zam Zam -O- Kausar -O- Tasneem Me Kab Aaya Hai.

Ham Ne Aaqa Ki Har Ek Baat Ko Maana Hai Jameel
Naat Kehne Ka Saleeqa Hamein Tab Aaya Hai.

Wo Abre Karam Barsa Sarkar Ke Sadqe Me
Sairab Hui Duniya Sarkar Ke Sadqe Me.

Bhooka Na Raha Bhooka Sarkar Ke Sadqe Me
Mangte Ka Bhara Kaansa Sarkar Ke Sadqe Me.

Maang Unke Waseele Se Phir Dekhle Deewane
Deta Hai Khuda Kya Kya Sarkar Ke Sadqe Me.

Phoolon Me Mehek Aayi Taaron Ne Ziya Paayi
Wo Chand Ka Mu Chamka Sarkar Ke Sadqe Me.

Taiba Ki Ziyarath Ne Taqdeer Jagayi Hai
Allah Ka Ghar Dekha Sarkar Ke Sadqe Me.

Allah Ko Mehshar Me Kis Mu Se Dikhate Mu
Maqbool Hui Tauba Sarkar Ke Sadqe Me.

Ye Shaan Hafeez Apni Unki Hi Badaulat Hai
Irfaan Hua Haq Ka Sarkar Ke Sadqe Me.

Wo Abre Karam Barsa Sarkar Ke Sadqe Me (Hz Madani Miyan)
Deta Hai Khuda Kya Kya Sarkar Ke Sadqe Me. Ft
Deta Hai Khuda Kya Kya Sarkar Ke Sadqe Me
Wo Abre Karam Barsa Sarkar Ke Sadqe Me (Hz Madani Sharfi Sahab)
Ye Dil Huzoor Pe Qurban (Hz Kamil Sahab Qibla)
Ye Dil Huzoor Pe Qurban Nahi To Kuch Bhi Nahi
Zameer Pehle Musalman Nahi To Kuch Bhi Nahi.

Zubaan Se Laakh Kaho Laa Ilaha Illallah
Muhabbat -E- Shahe Zeeshan Nahi To Kuch Bhi Nahi.

Karam Talab Hai To Mahol Pehle Paida Kar
Ek Ishtiyaq -E- Farawaan Nahi To Kuch Bhi Nahi.

Junoon Nawaaz Hai Mafhoom Waz Zuhaa Wallaill
Nazar Me Maaniye Furqaan Nahi To Kuch Bhi Nahi.

Nazaara Kaun Kare Husne Zaate Wajib Ka
Wujoode Aalam -E- Imkaa(n) Nahi To Kuch Bhi Nahi.

Nabi Se Ishq Hi Wallah Asl Imaan Hai
Hazaar Kuch Ho Jo Imaan Nahi To Kuch Bhi Nahi.

Nazar Mili Hai Faqat Deede Mustafa Ke Liye
Nigaah Jalwa Badamaan Nahi To Kuch Bhi Nahi.

Khuda Naseeb Kare Sab Ko Soze Ishqe Nabi
Ye Aag Dil Me Farozaan Nahi To Kuch Bhi Nahi.

Chale Hain Aap Ye Kiski Talaash Me Kamil
Khud Apne Aap Ka Irfaan Nahi To Kuch Bhi Nahi.

Ye Dil Huzoor Pe Qurban (Hz Kamil Rh)
Ye Noore Mujassam Hain Wallah (Hz Rafiuddin Sharfi Sahab)