Kaante Jo Bichaate The Sarkar Ke Raste Me

Kaante Jo Bichaate The Sarkar Ke Raste Me

Kaante Jo Bichaate The Sarkar Ke Raste Me
Aaqa Ne Ugaaye Gul Un Logon Ke Seene Me.

Ausaaf Ke Pardon Me Aaqa Ki Haqiqath Hai
Nayaab Koi Shai Ho Rehti Hai Wo Parde Me.

Hai Chashme Falak Hairaan Khud Zulm -O- Sitham Ne Bhi
Aaqa Ko Nahi Dekha Aate Hue Ghusse Me.

Haathon Me Nabi Ke Hai Aalam Ki Shahinshahi
Par Saadgi Itni Hai Paiwand Hai Kurte Me.

Ehraame Wafa Baandhe Aate Hain Malaaik Bhi
Aadaab Ke Pehre Me Har Simt Madine Me
Mehboobe Dare Haq Hai Beshak Wo Sana Khwani
Kijayegi Jitni Bhi Quran Ke Lehje Me.

Koshish Hi Ke Bal Boote Akbar Na Koi Pohoncha
Taufeeqe Khuda Ho To Jaata Hai Madine Me.

Kaante Jo Bichaate The Sarkar Ke Raste Me