Allah

Allah Ne Pohonchaya Sarkar Ke Qadmon Me
Sad Shukr Mai Phir Aaya Sarkar Ke Qadmon Me.

Rad Kaise Bhala Hogi Ab Koi Dua Meri
Mai Rab Ko Pukaar Aaya Sarkar Ke Qadmon Me.

Kuch Kehne Se Pehle Hi Poori Hui Har Khwahish
Jo Soncha Wohi Paaya Sarkar Ke Qadmon Me.

Kuch Lamhe Huzoori Ke Paaye To Ye Lagta Hai
Ek Umr Guzaar Aaya Sarkar Ke Qadmon Me.

Mujh Jaisa Tahee Damaan Kya Nazr Ko Lejaata
Ek Naat Suna Aaya Sarkar Ke Qadmon Me.

Yaad Aayi Sabih Apni Har Ek Khata Mujhko
Aamaal Pe Sharmaaya Sarkar Ke Qadmon Me.

Allah Ne Pohonchaya Sarkar Ke Qadmon Me