Paseene Ko Paakar Hawa -E- Madina

Paseene Ko Paakar Hawa -E- Madina (Hz Saifi Rh)

Kalaam of Saifi

Rasoole Akram Hain Sab Se Awwal (Hz Zirak Sharfi)
Rasoole Akram Hain Sab Se Awwal
Muqabil Unke Koi Nahin Hai
Kisi Me Ye Baat Hi Nahi Hai
Kisi Me Ye Shaan Hi Nahi Hai.

Wohi Hain Shaane Khuda Ke Mazhar
Wohi Hain Awwal Wohi Hain Aaqir
Ke Unse Pehle Nabi Nahi Tha
Ke Baad Unke Nabi Nahi Hai.

Jo Pet Pe Apne Baandhe Patthar
Jo Kohe Zar Ko Lagayen Thokar
Siwa Tumhare Huzoore Anwar
Jahan Me Aisa Ghani Nahi Hai.

Ayaan Hai Surath Se Husne Wehdath
Amal Se Zahir Kamaale Wehdath
Tumhi Ko Hasil Hai Har Fazeelath
Kisi Ko Ye Bartari Nahi Hai.

Tumhare Qadmon Se Shahe Bat'ha
Hui Hai Taqleeqe Aadmiyyath
Jo Tumko Peshe Nazar Na Rakkhe
Wo Aadmi Aadmi Nahi Hai.

Agar Che Khabza Hai Kul Jahan Par
Hai Kamli Bistar Sarhaane Patthar
Khilayen Auron Ko Khud Na Kha Kar
Jahan Me Aisa Saqi Nahi Hai.

Hazaron Laakhon Payambar Aaye
Na Bigdi Tauheed Ko Sawaare
Bani Hai Jaise Nabi Se Apne
Kisi Nabi Se Bani Nahi Hai.

Husool Usko Na Ho Shafa'at
Khubool Uski Na Ho Ibadath
Tumhare Qadmon Ki Khaak Jisne
Jabeen Se Apni Mali Nahi Hai.

Yateem Hoon Mai Yaseer Hoon Mai
Na Koi Waali Na Koi Waaris
Ghareeb Zirak Ka Ya Payambar
Siwa Tumhare Koi Nahi Hai.

Sartaaj -E- Rusul Hazrate Sultane Madina
Aye Salle Alaa Azmate Sultane Madina.

Quran Bhi Naatiq Hai Faqat Mai Nahi Kehta
Hai Taaqate Haq Taa'ate Sultane Madina.

Samjhun Ke Mujhe Hogaya Deedar Khuda Ka
Hojaye Agar Rooyate Sultane Madina.

Allah Dikhade To Mai Dil Cheer Ke Rakh Loon
Wo Surate Haq Surate Sultane Madina.

Ushshaq Ki Jannat To Haqiqath Me Wahin Hai
Hojaye Jahan Rooyate Sultane Madina.

Sadqa Mere Sarkar Ka Kisne Nahi Paaya
Kaunain Pe Hai Rehmate Sultane Madina.

Iss Haal Me Aaram Se Mai Jee Nahi Sakta
Tadpaye Na Kyun Fuqate Sultane Madina.

Kuch Farq Nahi Hubbe Khuda Hubbe Nabi Me
Hai Ulfate Haq Ulfate Sultane Madina.

Kamil Sa Gunahgar Bhi Baqshagaya Dekho
Allahu Ghani Nisbate Sultane Madina.

Sartaaj -E- Rusul Hazrate Sultane Madina