Khuda Daani Kahan Mumkin

Khuda Daani Kahan Mumkin (Hz Khwaja Shouq Rh)

Kalaam of Khwaja Shouq

Khuda Daani Kahan Mumkin Shahe Abraar Se Pehle
Khula Noore Azal Jab Markaze Anwaar Se Pehle
Koi Miyaar Aisa Hi Na Tha Sarkar Se Pehle.

Khudai Me Maqaame Mustafai Dhoondne Waalon
Khudai Khud Kahan Thi Aapke Izhaar Se Pehle.

Kiran Iqra Ki Lehrayegi Aou Adna Ki Manzil Par
Farishton Ko Qabar Kya Thi Hira Ke Ghaar Se Pehle.

Ye Kya Kam Maujza Hai Baadme Quran Utra Hai
Banai Hai Fiza Sarkar Ne Kirdar Se Pehle.

Shabe Meraj Ne Afkaar Ke Dhaare Badal Daale
Koi Waqif Kahan Tha Noor Ki Raftaar Se Pehle.

Libase Mislukum Me Hai Tajalli Ganje Maqfi Ki
Khuda Se Jisko Milna Wo Mile Sarkar Se Pehle.

Huzoor Aaye To Surat Haq Numai Ki Nikal Aayi
Tasawwur Haq Ka Kya Tha Ahmede Muqthar Se Pehle.

Ataa Ki Kisne Mushte Khaak Ko Parwaaze Aflaaki
Do Aalam Me Bataao Ek To Sarkar Se Pehle.

Dikhaenge Qadam Aaqa To Marjaunga Qadmon Par
Nahi To Shouq Marna Kisko Hai Deedar Se Pehle.

INFI
Kis Se Mumkin Hai Maqame Shahe Taiba(Khwaja Shouq Sahab)
Kis Se Mumkin Hai Maqame Shahe Taiba Dekhna
Jis Nazar Ki Jitni Had Hai Uska Utna Dekhna.

Jalwa Aur Nazron Me Doori Ho To Hoga Dekhna
Khud Nazar Jalwa Agar Banjaye To Kya Dekhna.

Azmate Aaqa Ka Qad Uncha Hai Kitna Dekha
Umr Bhar Dekha Kayi Phir Bhi Na Aana Dekhna.

Har Qadam Aaqa Ka Hai Kya Fatihana Dekhna
Ahle Batil Ko Pada Har Waqt Neecha Dekhna.

Shamma Ho Fanoos Hai To Jagmagata Wo Bhi Hai
Kya Chupaye Noor Ko Tan Ka Libadah Dekhna.

Saahibe Laulak Dekhenge To Dekhenge Kise
Sash Jihat Ke Aaine Me Apna Chehra Dekhna.

Aastane Sahibe Qausain Hai Wo Aastan
Aaj Bhi Kauno Makaan Hai Sar Ba Sajda Dekha.

Kayenath Ek Goshaye Daman Me Hai Simti Hui
Damane Sarkar Hai Kitna Kushada Dekhna.

Aaine Me Apna Munh To Dekhlo Pehle Zara
Sehl Hai Kya Chashme
Mazaagh-Al Basar
Ka Dekhna.

Phir Madina Dekhne Ki Dil Me Hasrath Reh Na Jaaye
Dekhna Kehte Hain Jisko Shouq Waisa Dekhna.

Kis Se Mumkin Hai Maqame Shahe Taiba(Hz Khwaja Shouq Rh)
Azmate Aaqa Ka Qad Uncha Hai Kitna Dekhana
Aaj Bhi Kauno Makaan Hai Sar Ba Sajda Dekhna.

Jo Uljhe To Bikhar Jaayen Jo Suljhe To Sawar Jaayen
Koi Kaanton Se Wabasta Koi Phoolon Se Wabasta(Altaf)
Koi Kaanton Se Wabasta Koi Phoolon(Altaf)
Koi Kaanton Se Wabasta Koi Phoolon(Altaf Samdani Sahab Qibla)
Koi Kaanton Se Wabasta Koi Phoolon(Hz Altaf Samdani Rh)
Purkhon Se Ye Paaya Hai
Mai Hoon Hussaini Bachpan Se(Arshad Habibi Sahab)
Pyaar Hame Hai Panjatan Se
Pyaare Nabi Ne Farmaya, Jo Hasnain Ke Aashiq Hain
Wo Mehboob Khuda Ka Hai, Jannat Ke Bhi Layaq Hain
Bole Umar Ye Likhwakar, Sanad Ghulami Ki Paakar
Najaat Ki Ye Kashti Hai, Allah Ki Ye Rassi Hai
Jud Jao Is Bandhan Se, Mai Hoon Hussaini Bachpan Se.

Ahle Bait Ka Qadim Hoon, Aaqa Ka Hoon Mai Naukar
Baqshish Chalke Aayegi, Saath Mujhe Lejayegi
Uthunga Jab Madfan Se, Mai Hoon Hussaini Bachpan Se.

Aale Nabi Aulaade Ali, Hamse Poocho Kaise Hain
Haidar Ke Jo Bete Hain, Wo Bhi Haidar Jaise Hain
Unki Baat Niraali Hai, Deen Mila Hamko Unse
Pathan Se Memon Se, Mai Hoon Hussaini Bachpan.

Batil Se Takrane Ki, Himmat Paida Karna Hai
Unki Izzath Ki Qaatir, Humko Jeena Marna
Ham Shabbir Ka Lashkar Hain, Hamko Aqidath Karbal Se
America Na London Se, Mai Hoon Hussaini Bachpan.

Gulshan Ko Mehkata Hoon, Phoolon Me Rass Bharta Hoon
Jis Mehfil Me Jaata Hoon, Haidar Haidar Karta Hoon
Jitne Bhi Maulai Hai, Sab Mere Shaidaai Hain
Wo Mash'hoor Isi Fan Se, Mai Hoon Hussaini Bachpan.

Dono Jahan Me Laaj Rahe, Chashme Karam Hojaye Agar
Daman Ko Phailaya Hai, Aapke Bacchon Ka Naukar
Arshad Ye Kehlata Hai, Pushton Se Wabasta Hai
Syed Omer Ke Daman Se, Mai Hoon Hussaini Bachpan.

Hoon Hussaini Bachpan Se.

Maa Ne Mujhe Samjhaya Hai
Mai Hoon Hussaini Bachpan Se(Khan Quadri Sahab)
Pathan Se Na Memon Se, Mai Hoon Hussaini Bachpan.

Mere Malik Ka Ghar Aaqa Ka Ghar(Aouj Yaqoobi Sahab)
Mere Malik Ka Ghar Aaqa Ka Ghar Sarkar Ka Ghar Hai
Shaoor -E- Bandagi Sadqe Utar Sarkar Ka Ghar Hai.

Chale Aate Hain Aur Nalain Bhi Hain Paaye Aqdas Me
Ilahul Aalameen Kya Arsh Par Sarkar Ka Ghar Hai.

Madina Kya Hai Aur Arshe Mo'alla Kya Hai Sunlije
Idhar Manzoor Hote Hi Udhar Maqbool Hoti Hai
Idhar Sarkar Ka Daftar Udhar Sarkae Ka Ghar Hai.

Mera Kya Waasta Aye Aouj Darogeere Mehshar Se
Suno Jibreel Sidrah Hai Haweli Ka Sara Pardah
Duaon Se Kaho Baabe Asar Sarkar Ka Ghar Hai.

Qayamat Me Mere Chupne Ka Ghar Sarkar Ka Ghar Hai.

Tumhe Shayad Nahi Malum Udhar Sarkar Ka Ghar Hai.

Mere Malik Ka Ghar Aaqa Ka Ghar(Hz Aouj Yaqubi Rh)
Ye Taiba Hai Saba Daarul Hukoomat Hai Do Aalam Ka
Dabe Qadmon Se Aahista Guzar Sarkar Ka Ghar Hai.

Haram Ki Had Se Jab Nikle To Zaair Ko Batadena
Maqame Sajdaye Qalb -O- Nazar Sarkar Ka Ghar Hai.

Idhar Sarkar Ka Daftar Udhar Sarkar Ka Ghar Hai.

Muhammad Ka Aankhon Me Apne Makaan (Hz Ghousi Shah Rh)