Hashr Me Khud Ko Jo Dekhunga

Hashr Me Khud Ko Jo Dekhunga

Hashr Me Khud Ko Jo Dekhunga Bikhar Jaaunga
Aapne Gar Na Sambhala To Kidhar Jaaunga.

Itna Manoos Hoon Aaqa Mai Tere Qadmon Se
Mujhko Qadmon Se Kiya Door To Marjaunga.

Mera Sar Aapki Dehleez Ke Qabil To Nahi
Khaak Bankar Tere Qadmon Me Bikhar Jaaunga.

Meri Har Aas Ki Dori Dare Panjtan Se Judi
Be Khatar Hoke Lahad Me Mai Utar Jaaunga.

Aadate Naat Bahana Hai Meri Baqshish Ka
Naat Padhte Hue Mai Pul Se Guzar Jaaunga.

Isse Badhkar Nahi Aizaaz Koi Aur Ziya
Log Tera Hi Kaheinge Mai Jidhar Jaaunga.

Hashr Me Khud Ko Jo Dekhunga