Teri Ek Chashme Rehmat Se Tera Bimaar

Teri Ek Chashme Rehmat Se Tera Bimaar

Teri Ek Chashme Rehmat Se Tera Bimaar Behtar Hai
Hazaaron Tibbi Nuskhon Se Nigaahe Yaar Behtar Hai.

Jagah Miljaye Gar Paa Posh Gaahe Yaar Me Mujhko
Khusha Ye Masnade Taoos Se Sad Baar Behtar Hai.

Shahinshahi Se Badhkar Hai Teri Paa Posh Bardaari
Sikandar Se Tera Ek Khadime Darbar Behtar Hai.

Maqaam -O- Martaba Saari Khudayi Me Mere Aaqa
Tera Iss Paar Behtar Hai Tera Uss Paar Behtar Hai.

Mere Aaqa Se Khushbu Khulq Ki Yoon Arz Karti Hai
Har Ek Khushbu Se Tere Jism Ki Mehkaar Behtar Hai.

Teri Ek Chashme Rehmat Se Tera Bimaar