Qurban Mai Unki Baqshish Ke

Qurban Mai Unki Baqshish Ke

Qurban Mai Unki Baqshish Ke
Maqsad Bhi Zaban Par Aaya Nahi
Bin Maange Diya Aur Itna Diya
Daman Me Hamare Samaya Nahi.

Imaan Mila Unke Sadqe
Quran Mila Unke Sadqe
Rehman Mila Unke Sadqe
Wo Kya Hai Jo Ham Ne Paaya Nahi.

Unka To Shi'aar Kareemi Hai
Maa'il Ba Karam Hi Rehte Hain
Jab Yaad Kiya Aye Salle Alaa
Wo Aa Hi Gaye Tadpaya Nahi.

Jo Dushmane Jaan The Unko Bhi
Di Tumne Amaan Apnon Ki Tarah
Ye Affwo Karam Allah Allah
Ye Khulq Kisi Ne Paaya Nahi.

Wo Rehmat Kaisi Rehmat Hai
Mafhoom Samjhlo Rehmat Ka
Usko Bhi Gale Se Lagaya Hai
Jise Apna Kisi Banaya Nahi.

Monis Hain Wohi Mazooron Ke
Ghamkhwaar Hain Sab Majbooron Ke
Sarkare Madina Ne Tanha
Kis Kiska Bojh Uthaya Nahi.

Awaaz Karam Deta Hi Raha
Thak Haar Gaye Lene Waale
Mangton Ki Hamesha Laaj Rakhi
Mehroom Lautaya Nahi.

Dil Bhargaye Mangton Ke Lekin
Dene Se Teri Niyyat Na Bhari
Jo Aaya Use Bhar Bhar Ke Diya
Mehroom Kabhi Lautaya Nahi.

Rehmath Ka Bharam Bhi Tumse Hai
Shafqat Ka Bharam Bhi Tumse Hai
Thukraaye Hue Insaan Ko Bhi
Tumne To Kabhi Thukraaya Nahi.

Khursheede Qayamat Ki Tabish
Maana Ke Qayamat Hi Hogi
Hum Unke Hain Ghabrayen Kyun
Kya Ham Pe Nabi Ka Saaya Nahi.

Ausaaf Karun Kya Unke Bayaan
Khaliq Ki Zabaan Hai Unki Zabaan
Saaye Me Hai Unke Dono Jahan
Sarkar Ka Lekin Saaya Nahi.

Mai Aapka Hoon Rakhlije Bharam
Lillah Karam Lillah Karam
Taawane Amal Me Neki Ka
Sarkar Koi Sarmaaya Nahi.

Uss Mohsine Aazam Ke Yoon To
Khalid Pe Hazaaron Ehsan Hai
Qurban Magar Uss Ehsan Ke
Ehsan Bhi Kiya To Jataya Nahi.

Qurban Mai Unki Baqshish Ke (NFAK)