Sune Kaun Qissa -E- Darde Dil

Sune Kaun Qissa -E- Darde Dil

Sune Kaun Qissa -E- Darde Dil
Mera Gham Gusaar Chala Gaya
Jise Aashnaaon Ka Paas Tha
Wo Wafa Shi'aar Chala Gaya.

Wohi Bazm Hai Wohi Dhoom Hai
Wohi Aashiqon Ka Hujoom Hai
Hai Kami To Bas Mere Chand Ki
Jo Tahe Mazaar Chala Gaya.

Wo Sukhan Shanaas Wo Doorbeen
Wo Gada Nawaz Wo Mahjabeen
Wo Haseen Wo Behre Uloome Deen
Mera Taajdaar Chala Gaya.

Kahan Ab Sukhan Me Wo Garmiyaan
Ke Nahi Raha Koi Qadrdaan
Kahan Ab Wo Shauq Me Mastiyaan
Ke Wo Pur Waqaar Chala Gaya.

Jise Mai Sunaata Tha Darde Dil
Wo Jo Puchta Tha Ghame Darun
Wo Gada Nawaz Bichad Gaya
Wo Ataa Shi'aar Chala Gaya.

Bahe Kyun Naseer Na Ashke Gham
Rahe Kyun Na Lab Pe Mere Fughan
Hamein Beqaraar Wo Chord Kar
Sare Rah Guzaar Chala Gaya.

Kab Tak Mere Maula
Mai Harfe Tamanna Hoon Badi Der Se Chup Hoon
Kab Tak Mere Maula Kab Tak Mere Maula.

Aye Dil Ke Makeen Dekh Ye Dil Toot Na Jaaye
Kaansa Mere Haathon Se Kahin Choot Na Jaaye
Mai Aas Ka Banda Hoon Badi Der Se Chup Hoon.

Ye Ashk Kahan Jayeinge Daman Mujhe Dede
Sar Ta Ba Qadam Apni Muraadon Ko Sambhale
Aye Baade Bahaari Mera Gulshan Mujhe Dede
Mai Shaakh Se Toota Hoon Badi Der Se Chup Hoon.

Aye Daste Talab Kyun Teri Baari Nahi Aayi
Jaate Hue Takte Hain Mujhe Khafile Waale
Mai Laala -E- Sehra Hoon Badi Der Se Chup Hoon.

Kehna Mere Aaqa Ki Sawaari Nahi Aayi
Tasweer -O- Tamasha Hoon Badi Der Se Chup Hoon.

Mumkin Nahi Ye Aankh Teri Deed Ko Tarse
Har Ramz Me Dekhun Tujhe Deewar Se Dar Se
Mai To Tera Rasta Hoon Badi Der Se Chup Hoon.

Aye Kashife Asraare Nihaani Tere Sadqe
Ab Saaz Ko De Hukme Rawaani Tere Sadqe
Thaira Hua Dariya Hoon Badi Der Se Chup Hoon.