Jab Bhi Mai Sabr -O- Raza Par

Jab Bhi Mai Sabr -O- Raza Par (Sardaar Saleem Sahab)

Jab Bhi Mai Sabr -O- Raza Par Koi Mazmoon Likhun
Haa Likhun Seen Likhun Yaa Likhun Phir Noon Likhun.

Aye Hussain Aapke Baare Me Koi Pooche Agar
Sar Likhun Sajda Likhun Pyaas Likhun Khoon Likhun.

Kam Hai Tere Liye Aye Aale Nabi Ke Dushman
Chahe Khasra Likhun Haizaah Likhun Ta'oon Likhun.

Zikre Shabbir Se Har Lafz Chamak Uth'ta Hai
Mai Koi Sha'ar Kahun Ya Koi Mazmoon Likhun.

Aye Tarafdaare Yazeed Udhta Hai Kyun Rang Tera
Deen Ko Aale Payambar Ka Jo Mamnoon Likhun.

Tere Kirdaar Se Waqif Hoon Mai Aye Fauje Yazeed
Kaise Mumkin Hai Ke Phir Zulm Ko Qanoon Likhun.

Haq Pasandi Ka Taqaza Hai Ye Sardaar Saleem
Haq Ke Ghalbe Ko Mai Shabbir Ka Marhoon Likhun.

Karbala Ka Sabaq Hai Bhulana Nahi
Sar Katana Magar Sar Jhukana Nahi.

Aaj Bhi Aale Ahmed Pe Kat Jayenge
Aashiqon Ko Kabhi Aazmana Nahi.

Muskurakar Ke Asghar Ne Samjhadiya
Maut Se Sayyadon Ko Darana Nahi.

Maut Darti Hai Unse Jo Sadaath Hai
Mushkilen Bhaag Uthi Ye Kehte Hue
Thairo Thairo Ali Ko Bulana Nahi.

Khuloos Ki Raushnayi Lekar