Tujhe Gar Jazba -E- Ulfath

Tujhe Gar Jazba -E- Ulfath (Hz Aazam Ali Soofi)

Kalaam of Aazam Ali Soofi

Tujhe Gar Jazba -E- Ulfath Se Aye Dil Kaam Lena Hai
To Behtar Kaam Ali Ka Naam Subho Shaam Lena Hai.

Najaate Deeno Duniya Ka Agar Paigham Lena Hai
To Mazbooti Se Damaane Ali Ko Thaam Lena Hai.

Ali Naame Khuda Hai Aur Ism -E- Murtaza Bhi Hai
Ali Ka Naam Lena Khud Khuda Ka Naam Lena Hai.

Ali Allah Ka Hi Naam Jab Thehra To Phir Usko
Taharath Se Aqidath Se Basad Ikraam Lena Hai.

Khuda Ne Ye Sharaf Maula Ali Ke Haq Me Rakkha Tha
Ke Sab Ladkon Me Pehle Daulat -E- Islaam Lena Hai.

Hai Masti -E- Sharaabe Buturaabi Meri Rag Rag Me
Yahan Kisko Bhala Jaame Mae Gulfaam Lena Hai.

Rahe Haq Me Husoole Uzme Raasiq Ka Ajab Nusqa
Zubaan Par Laa Fatah Illa Ali Har Gaam Lena Hai.

Mila Dena Nabi Se Aur Khuda Se Shaan Ali Ki Hai
Hamara Kaam Bas Maula Ka Daman Thaam Lena Hai.

Shabe Hijrath Ali Bistar Pe Hain Aur Ghaar Me Siddiq
Nabi Hi Jaante The Kis Se Kaisa Kaam Lena Hai.

Theherjaa Aye Ajal Thodi Si Mohlath Chahiye Mujhko
Sharaabe Deede Haidar Ka Abhi Ek Jaam Lena Hai.

Agar Hubbe Ali Hi Rifz Thehra Hai To Phir Manzoor
Khushi Se Raafziyyath Ka Mujhe Ilzaam Lena Hai.

Ali Shere Khuda Mushkil Kusha Aur Murtaza Haidar
Balaa Tal Jaaye Lo Inme Se Jo Bhi Naam Lena Hai.

Jhuka Dehleez -E- Baabul Ilm Par Apni Jabeen Aazam
Jo Darbare Madina Se Tujhe In'aam Lena Hai.

Tumko Bataun Aaj Mai Kya Kya Ali Ka Hai
Kaaba Ali Ka Gumbade Khazra Ali Ka Hai
Bharat Ki Sar Zameen Bhi Muattar Hai Isliye
Khwaja Piya Ke Jalwe Me Jalwa Ali Ka Hai.

Jisne Nabi Ke Deen Pe Sab Kuch Lutadiya
Wo Fatima Ka Chain Dulara Ali Ka Hai.

Munkir Nakeer Dekh Ke Aapas Me Bol Uthe
Kya Poochen Iske Paas To Shijra Ali Ka Hai.

Mujhko Mitasake Ye Zamane Me Dam Nahi
Kyun Ke Mere Wajood Pe Saaya Ali Ka Hai.

Shahbaz Usko Rakhta Hai Juton Ki Nok Par
Jiske Dilo Dimagh Me Keena Ali Ka Hai.

Kya Kya Ali Ka Hai
Ya Ali -E- Murtaza Ya Bul Hasan (Hz Hasrath Rh)