Wilayath Ka Hai Sar Par Taaj Khwaja

Kalaam of Ismail Qadeer Quadri Sahab

Wilayath Ka Hai Sar Par Taaj Khwaja
Deccan Me Hai Tumhara Raaj Khwaja.

Ali Ka Dijiye Sadqa Utara
Ke Aaye Door Se Mohtaaj Khwaja.

Ghulami Karrahe Hain Hum Tumhari
Na Koi Kaam Hai Na Kaaj Khwaja.

Tumhare Naqshe Paa Ko Choom Lena
Hai Mere Ishq Ki Meraaj Khwaja.

Banado Kuch Mujhe Ya Phir Mitado
Hai Tum Se Ilteja Ye Aaj Khwaja.

Sharaf Hamko Mila Hai Haazri Ka
Ke Hum Bhi Ho Gaye Hujjaj Khawja.

Bina Sadqa Liya Main Panjatan Ka
Nahi Jaaunga Dar Se Aaj Khwaja.

Tumhare Shehr Ke Wallah Kankar
Hai Rashke Yakhut -O- Pokhraaj Khwaja.

Qadeer Aaya Hai Dar Par Aas Lekar
Banado Usko Bhi Alhaaj Khwaja.