Dard Sehkar Bhi Tera Naam Liye Jaate Hain

Dard Sehkar Bhi Tera Naam Liye Jaate Hain

Wohi Aable Hain Wohi Jalan
Koi Soze Dil Me Kami Nahi
Jo Laga Ke Aag Gaye Ho Tum
Wo Lagi Hui Hai Bujhi Nahi.

Teri Yaad Aisi Hai Ba Wafa
Pase Marg Bhi Na Hui Juda
Teri Yaad Me Ham Mitgaye
Teri Yaad Dil Se Milti Nahi.

Dard Sehkar Bhi Tera Naam Liye Jaate Hain
Tere Deewane Tujhe Yaad Kiye Jaate Hain.

Tu Nawaze Na Nawaze Teri Marzi Jaana
Ham To Sajde Teri Chaukhat Pe Kiye Jaate Hain.

Shukriya Tera Rafugar Magar Itna To Bata
Kya Muhabbat Me Girebaan Siye Jaate Hain
Girah...

Jaane Waale Tere Qadmon Ke Nishaan Baaqi Hain
Mere Saqiya Batade Wo Sharaab Kaunsi Hai
Jise Peeke Saari Duniya Tere Dar Pe Jhoomti Hai.

Aankhon Me Teri Koi Karishma Zarur Hai
Tu Jisko Dekhle Wo Tadapta Zarur Hai.

Ham To Sajde Unhi Raahon Pe Kiye Jaate Hain.

Aye Fana Ishq Ka Dastoor Tumhe Kya Malum
Ishq Me Dil Hi Nahi Sar Bhi Diye Jaate Hain.

Ham To Maikhwaar -E- Muhabbat Hain Hame Jaam Se Kya
Wo Pilaate Hain Nigahon Se Piye Jaate Hain.

Ek Ham Hain Ke Hame Kuch Nahi Ehsaase Wafa
Ek Wo Hain Ke Karam Ham Pe Kiye Jaate Hain.

Darde Ulfath Ka Ye Andaaze Wafa Hai Kya Khoob
Mai Tadapta Hoon Wo Taskeen Diye Jaate Hain.

Unse Kehte Nahi Kyun Jalwa Dikhaya Tumne
Log Deewane Ko Ilzaam Diye Jaate Hain.

Khud Wo Deewana Banaate Hain Muhabbath Me Mujhe
Khud Mera Chaake Girebaan Siye Jaate Hain.

Dard Sehkar Bhi Tera Naam Liye Jaate Hain