Kitna Azeem Hai Wo Nawasa Rasool Ka.

Be Misl Hai Kya Shaukat -E- Ranaayi Hai
Khaliq Bhi Fida Khalq Bhi Shaidaayi Hai
Khaliq Ne Muhabbat Ke Niraale Rukh Se
Sarkar Ke Chehre Ki Qasam Khaayi Hai.

Khud Hi Khudaye Paak Hai Shaida Rasool Ka.

Noore Khuda Hai Husne Sarapa Rasool Ka
Gira...

Lab Noor, Jabeen Noor
Dahan Noor, Nazar Noor.

Gesu Ki Chamak Noor, Amaame Ki Damak Noor
Sar Se Paa Tak Noor Unka Sab Gharana Noor Ka
Unki Nasle Paak Me Hai Baccha Baccha Noor Ka.

Do Jahan Ka Noor Muhammad Ke Roop Me
Allah Ka Zahoor Muhammad Ke Roop Me.

Hai Khaak Ka Ghar Khaak Magar Noor Ka Ghar Noor.

Takhleeq Karke Aapko Allah Ne Kaha
Mera Habeeb Meri Tarah Lajawaab Hai.

Ye Aasman Ye Chand Sitaare Unhi Se Hain
Jitni Hai Gul Nasheen Nazaare Unhi Se Hain.

Teeson Kalaame Paak Ke Paare Unhi Se Hain
Takhleeq -E- Kayenath Hai Sadqa Rasool Ka.

Noori Mehfil Pe Chadar
Noori Mehfil Pe Chadar Tani Noor Ki
Noor Phaila Hua Aaj Ki Raat Hai
Chandni Me Hai Doobe Hue Do Jahaan
Kaun Jalwa Numa Aaj Ki Raat Hai.

Farsh Par Dhoom Hai Arsh Par Dhoom Hai
Badnasibi Hai Uski Jo Mehroom Hai
Phir Milegi Ye Shab Kisko Maloom Hai
Aam Lutfe Khuda Aaj Ki Raat Hai.

Abre Rehmat Hai Mehfil Pe Chaaye Hue
Aasman Se Malaik Hai Aaye Hue
Khud Muhammad Hai Tashreef Laaye Hue
Kis Qadar Jaan Fiza Aaj Ki Raat Hai.

Maanglo Maanglo Chashme Tar Maanglo
Darde Dil Aur Husne Nazar Maanglo
Kamli Waale Ki Nagri Me Ghar Maanglo
Maangne Ka Maza Aaj Kj Raat Hai.

Momino Aaj Ganje Saqa Lootlo
Lootlo Aye Marizon Shifa Lootlo
Aasiyon Rehmate Mustafa Lootlo
Baabe Rehmat Khula Aaj Ki Raat Hai.

Khoob Hone Do Ashkon Ki Barsaat Ko
Do Salaami Muhammad Ki Baraat Ko
Choom Lo Choom Lo Aaj Ki Raat Ko
Shabe Qadar Ke Gumaan Aaj Ki Raat Hai.

Waqt Laaye Khuda Sab Madine Chale
Lutne Rehmaton Ke Khazine Chale
Sab Ki Manzil Ki Janib Safeene Chale
Meri Saaim Dua Aaj Ki Raat Hai.

Meri Saaim Dua Aaj Ki Raat Hai.pl