Munazzah Har Ek Shakl -O- Surath Se Tu Hai

Muqtasar Si Meri Kahani Hai
Muqtasar Si Meri Kahani Hai
Jo Bhi Hai Unki Meherbani Hai.

Jitni Saanson Ne Unka Naam Liya
Bas Wohi Meri Zindagaani Hai.

Kaif Taari Ho Ashkbaari Ho
Yehi Mahol -E- Naat Khwani Hai.

Chashme Tar Se Sunayein Haal Apna
Khush Bayaani To Aani Jaani Hai.

Zikre Sarkar Hi Rahega Bas
Baaqi Jo Kuch Bhi Hai Wo Faani Hai.

Hubbe Sarkar Jiska Joban Ho
Qaabile Deed Wo Jawani Hai.

Unki Ulfath Bhi Dil Me Paida Kar
Unko Surath Agar Dikhani Hai.

Dil Wohi Ishq Se Jo Ho Mamoor
Ghar Wohi Jisme Shadmaani Hai.

Ek Tamanna Zahoori Hai Dil Ki
Naat Unki Unhein Sunaani Hai.

Naghmaye Salle Alaa Wirde Zuban Rehta Hai
Har Ghadi Saamne Rehmath Ka Sama Rehta Hai
Jab Madine Ke Darogaam Nazar Aate Hain
Dile Betaab Ko Phir Hosh Kahan Rehta Hai.

Mai Madine Me Jo Jaata To Wahan Kya Karta
Kuch Na Karta To Faqat Rauze Ko Dekha Karta.

Aur Kehta
Mushkil Taalo Shaahe Umam
Kardo Aaqa Nazre Karam
Girah...

Gar Tum Na Karoge To Karam Kaun Karega