Ya Mustafa Noorul Huda

Karam Jab Aale Nabi Ka Shareek Hota Hai
Bigad Bigad Ke Har Ek Kaam Theek Hota Hai
Duroode Aale Muhammad Ki Ye Fazilath Hai
Ke Laa Shareek Bhi Isme Shareek Hota Hai.

Har Nafas Ishqe Muhammad Ka Payaami Karlo
Zindagi Mitke Muhabbat Me Dawaami Karlo
Baadshaahi Hai Agar Dono Jahan Ki Darkaar
Doston Aao Muhammad Ki Ghulami Karlo.

Allah Ki Ham Jalwagari Dekhrahe Hain
Ya Husn -O- Jamaale Madani Dekhrahe Hain
Jis Waqt Padho Salle Alaa Aale Muhammad
Samjho Ke Rasoole Arabi Dekhrahe Hain.

Hadde Tauseef Se Bhi Naam Hai Baala Tera
Ke Khuda Aap Hai Khud Chaahne Waala Tera
Tere Sadqe Hui Manzoor Dua -E- Aadam
Roze Awwal Hi Tha Maujood Ujaala Tera.

Ya Mustafa Noorul Huda
Saani Tera Koi Nahi
Shamsuz Zuha Koi Nahi
Badrud Duja Koi Nahi.

Saani Tera Koi Nahi
Saani Tera Koi Nahi
Kaali Kamli Waale Aaqa
Saani Tera Koi Nahi.

Rasool Aur Bhi Aaye Jahan Me Lekin
Girah...

Kaali Kamli Waale Aaqa
Saani Tera Koi Nahi.p
Shahe Yasrabi Tere Husn Ki
Kise Taab Jo Kare Hamsari
Na Gulon Me Aisi Shaguftagi
Na Ye Rango Bu Na Ye Saadgi
Ye Anokhi Chab Ye Nayi Phaban
Ye Adayein Pyaari Ye Saadgi
Teri Misl Koi Hua Na Ho
Tere Sadqe Jaaun Mai Ya Nabi.

Phire Zamane Me Chaar Janib
Nigaahe Yakta Tumhi Ko Dekha
Haseen Dekhe Jameel Dekhe
Par Ek Tumsa Tumhi Ko Dekha.

Hue Hain Hazrate Yousuf Haseen Zamane Me
Magar Unhe Bhi Tere Husn Ki Zakaat Mili.

Chorus...

Khatme Rusul Khairul Amal
Koi Nahi Tera Badal
Aayina -E- Husne Azal
Tere Siwa Koi Nahi.

Jaayein Kahan Ham Benawa
Aaqa Tere Dar Ke Siwa
Ham Bekason Ka Aasra
Ya Mustafa Koi Nahi.

Aye Mazhare Noore Khuda
Tumsa Kahan Hai Doosra
Tum Ho Imaam -Ul- Ambiya
Tum Sa Hua Koi Nahi.

Ya Mustafa Noorul Huda