Raat Teri Zulfon Ka Utaara Subha Tere

Raat Teri Zulfon Ka Utaara Subha Tere

Raat Teri Zulfon Ka Utaara
Subha Tere Rukhsaar Ki Bheek
Kaasa -E- Dil Kashkol -E- Nazar Me
Daalde Kuch Anwaar Ki Bheek.

Nazr Karun Kya Paas Hi Kya Hai
Jaan Ke Siwa Imaan Ke Siwa
Wo Bhi Teri Sarkar Ka Sadqa
Ye Bhi Tere Darbar Ki Bheek.

Aariz -E- Rangeen Subhe Azal Hai
Hashr Tere Izhaar Ka Lamha
Khuld Tere Deedar Ki Bheek.

Tujhse Tujhi Ko Maang Raha Hoon
Mai Hoon Faqeer Ajab Dhab Ka
Mai To Tere Dar Se Na Taloonga
De Ke Na De Tu Pyaar Ki Bheek.

Zarre Me Sehra, Qatre Me Dariya
Parde Me Jalwa, Ishq Me Husn
Lafz Me Maana, Abd Me Maula
Mujh Me Tere Asraar Ki Bheek.

Naat Kahun Sultane Zaman Ki
Qadr Badhaun Fann -E- Sukhan Ki
Paun Raza Gar Unke Karam Se
Tarze Adaa Afkaar Ki Bheek.

Raat Teri Zulfon Ka Utaara Subha Tere (Hz Raza -Ul- Haq Sahab)